聽聞這是一個湛江年輕人在中山新開的私房菜, 過來試一試
, 市面上大多所謂的私房菜都類近餐廳形式, 缺乏咗一種私房的味道.......
今次呢間私房菜藏身於利和附近單幢別墅形式, 有少少似去人哋屋企的感覺餐廳内只有幾個房間, 但每個房都別具特色, 相信主理人花了不少心思
菜式方便也令我驚嘆, 例如蝦多士佢用咗油炸鬼代替傳統麵包, 炸到外脆內軟特別係面頭嗰層芝麻, 配左酸梅醬同檸檬葉絲,更加多咗層次同減輕咗油膩感
另外有一款 砂鍋拌飯, 開頭覺得平平無奇, 反而最令我驚訝, 整碗飯都可以粒粒分明, 軟硬恰到好處呢個並不容易, 再加上米飯帶點焦香, 重中之重是面頭有一件紅燒肉, 再加一匙豬油同醬油, 邪惡到不得了, 但同枱所有人包括女士, 一邊話邪惡但碗中卻粒米不剩
整體來說從進門口到每個菜式, 都能感受到主理人的用心, 不需要過多的服務及奢華, 反而真誠, 真材實料更來得珍貴！
#私房菜 #私藏小众餐厅 #融合粤菜料理 #私厨 #我的私房菜 #宝藏餐厅分享 #融合创意菜
